Estiu festiu e festenals oficials en Occitània

Été fêté et festivals officiels dans le Grand Sud

Summer feast and officials festivals in Occitània

E i qualqu'un que pòt m'explicar çò que fa lo cargat de mission per l'occitan al Conselh General de Nauta Garona ? (Nauta-Garona = Comenge e País Tolsan = en numerologia identitària, 31 ). Dèu pas saber ont es lo servici de comunicacion del Conselh Generau o servici cultural del Conselh Generau ! Car quant costariá d'aver aquestas aficas en doás lengas : francés e occitan ?

Per los que cèrcan fanatisme, ne vaquí un, los politicians d'Occitània an mestièr de competéncias per pas fargar una politica per l'occitan, politica gratuïta ! Car en doás lengas, francés e occitan seriá gratuït !! Es benlèu aquí lo problema, seriá gratuït ?

E segur que n'i a segurament que an demandat l'anglés melhor que l'occitan, e alara perqué pas lo chinés ? Es encara mai parlat sus la planeta ? O lo rus es la lenga la mai parlada en Euròpa ... E quand disi "n'i'a", parli segur dels tecnofoncionaris de la decentralizacion francesa en Occitània.

E amics o amigas d'Occitània, o d'alhors, que pensatz d'una dobla signaletica "31 Nòtas d'Estiu / 31 Notes d'Été", fanatic, non ? E gratuït !!

Es vertat que aqueste "cargat de mission" a un salari alternatiu, a basa de subvencions donadas per d'associacions ; es vertat que la faciada per l'occitan es simplament per far ben sul mercat politic, e lo conselhièr en cap es fòrt per aquò far, veire Ròca de Garona e lo seu centre cultural dedicat a las relacions occitano-catalanas, per recebre las subvencions europèas, mas que la promocion se fa quitament pas dins las villas al entorn del centre...