20070829

Esperanto


La revista novèla e ecologista de Nauta-Provença, « L'âge de faire », l'edat de faire, prepausava un dorsier sus l'esperanto, partent de las qualitats de l'esperanto es un dorsier plan fait.

Partent dels avençes lingüistics franceses es una aisina lingüistica que se coneis pas pron, e qu'es pas estada descrita ; car sovent los franceses considèran que l'apreneson de las lengas es pas mai complicat per un francés que per una autra nacion de la planeta ; vertat e pas vertat, vist l'encloscatge educatiu francés a prepaus de las lengas, la dificultat es sancièra, talament que pensi que lo monolingüisme francés es un monoteïsme lingüistic republican.

Dins lo dorsier prepausat s'assegurava que l'esperanto es una lenga simpla ; es vertat, e es simpla tanben d'apreneson, aital, per un monolingüe francés serà aisida car una apreneson d'un sistèma lingüistic simpla, e donc se farga aital un biais original per aver un sistèma binari dins lo cap de l'aprenaire de saber lo monde e de ne far las doás descripcions. Puèi podrà aprendre d'autras lengas, las lengas istoricas o autras.

Car pel segond punt, a part dins lo mitan d'intellectuals convençuts per aprendre aquesta lenga, l'esperanto es pas generalizar dins lo sentit de la primièra assersion, e sobretot pels parisencs perqué aquestes aprenguèsson las lengas de França. Donc la compreneson dels pòbles passarà encara per la coneisséncia d'autras lengas, e es benastrós, car los promotors de l'esperanto son pas brica per la destrucion de las lengas, coma los franceses zo son, párlan pas de la solucion unica per intercompreneson, coma zo fan los franceses : « il faut parler la même langue pour se comprendre » [e aital son los primièr a vóler l'anglés dins las institucions europencas o a votar contra la lenga catalana al Parlament d'Estrasborg ], quí a pas entendut aquesta frasa en França ? E lo postulat aqueste èra per far atudar lo locutor en lenga de França, lo patejaire !! Perqué ? « Il faut être poli » ( entendut en 2007 dins lo mètro de Tolosa frasa dicha per un jove de 25 ans ), per exemple.

Donc, per sa qualitat e pel seu contengut, plural e vertadierament ecologista, pel seu supòrt, vos aconselhi tanben la revista « l'âge de faire », demai la revista es fargada en Occitània, mas en lenga francesa.

L'abonament es de 23 €, que conten la participacion a l'associacion gavidaire, es un abonament participatiu.

La revista es faita sus papièr reciclat, normal, e en Provença (Occitània).